2025 жылғы 23 мамырда мектебімізде ерекше әрі толғандырарлық «Соңғы қоңырау» мерекесі өтті. Бұл маңызды шараға оқушылар, мұғалімдер, ата-аналар және қонақтар жиналды. Мереке үздік оқушыларға алғыс хаттар мен ақшалай сыйлықтар табыстаудан басталды. Марапаттар «Зенченко и К» КТ-ның демеушілігімен берілді, бұл үшін оқушылардың жетістіктеріне көрсеткен қолдауы мен назары үшін шын жүректен алғыс білдіреміз.
Мектеп бітірушілерге жүрекжарды сөздерін мектеп директоры, ұстаздар және шақырылған қонақтар — ауылдық округ әкімі Захарова Е.И. мен «Зенченко и К» КТ заңгері Ярикова Е.Ю. арнады. Бірінші сынып оқушылары өздерінің аға достарын мектеппен қоштасуымен құттықтап, оларға символдық «аманаттарын» табыстады. 10-сынып оқушылары дәстүр бойынша түлектерге лента тағып, оларға мектеп эстафетасын тапсырды. Ал түлектер ұстаздарына жылдар бойы білім, төзім мен қамқорлық көрсеткендері үшін шын жүректен алғыс білдірді.
Сахнада өлеңдер оқылып, әндер шырқалып, жүректен шыққан алғыс сөздер айтылды — көпшіліктің көзінен еріксіз жас та шықты. Мереке түлектер үшін мектеп жолының аяқталғанын және ересек өмірдің басталғанын білдіретін соңғы қоңыраудың сыңғыр үнiмен аяқталды.
